12. சான்றிதழ்கள் – கவிதைகள் (தந்தை போலாகுமா!)

 

kampan 28-11-16

*

கம்பன் கவிக்கூடம்
நட்புறவுகளுக்கு வணக்கம்
**********************************

எமது கவிக்கூடத்தில்
தந்தை போலாகுமா – என்ற தலைப்பில்
நடைபெற்று முடிந்த புதுக்கவிதை போட்டியின்
வெற்றியாளர்.

***********************************
கவிதாயினி. வேதா இலங்கா திலகம்
::::::::::::::::::::::::::::::::::::::::::::::::::::::::::::::
அவர்களுக்கு
கம்பன் கவிக்கூடம்
குழு நிர்வாகத்தினரின்
வாழ்த்துக்கள் .
இவர்களுடன்
உங்கள் கவிப் பிரியன்

 

கம்பன் கவிக் கூடம். கவிதை.

தந்தை போலாகுமா!

*

முந்தைப் பண்புகளையும் சேர்த்து மிளிர்த்தியவர்
சிந்தை எண்ணங்களை வைரமாய் செதுக்கியவர்.
விந்தை உலகில் பெருமுறவு என்
தந்தை போலாகுமா சொல் உறவே!

பக்தியைப் பாங்காய் ஒளிர்ததிய சமயவாளர்
சக்தியாய் விடாமுயற்சியை என்னுள் ஊன்றியவர்.
பக்குவமாய் கேட்பவைகளை ஆரத் தழுவி
அக்கறையாய் உணர்ந்து அன்பளிப்புச் செய்தவர்.

வசந்தக் காற்றில் குளிர் சுவாசமாய் 
கசந்திடாது ஊக்கமூட்டும் உங்கள் நினைவுகள்
அசர்தலற்ற தெவிட்டாத அற்புத சஞ்சீவி.
பிசங்கலற்ற பரிசுத்து உறவன்றோ தந்தை.

நீங்கள் மேலுலகம் சென்றாலும் அன்பான
உங்கள் ஞாபகக் கிடக்கைகளெனக்கு வைரம்.
தங்கமான கிராமத்து ஞாபகச் சுரங்கள்
அங்கம் முழுதும் ஓடுவது அப்பாவாலன்றோ.

இளவேனிலாக இதயத்தில் அப்பா என்றும்.
அளவற்ற நினைவு வேர்களை ஊன்றியவர்.
தளம்பாத என்னுயர்வின் அத்திவாரம் வேறெவர்!
வளமுயரவுதவும் தாய் தந்தை போலாகுமா!

*

வேதா. இலங்காதிலகம். டென்மார்க். 26-11-2016

*

 

blackwith colour

Advertisements

11. சான்றிதழ்கள் – கவிதைகள் (சினத்தை அடக்கினால் சிகரமாய் உயர்வாய்)

 

 

puthumao11-2016

*

சினத்தை அடக்கினால் சிகரமாய் உயர்வாய்

*

தனம் இருந்தென்ன தகவற்ற குணம்
சினம், கனம் கவலை தரும்.
தினம் தொல்லை, தாக்கம், பெரும்
கனவுகள் காற்றோடு அடித்துச் செல்லும்.

வனப்புடை மானிடத்தின் கொள்ளிவாய்ப் பிசாசு
வினயம் மிகு சுனாமி அலை.
இனத்தையும் அழிக்கும் முயலாமை, இயலாமையால்
மனித நந்தவனத்துள் சொரியும் அனல்.

காரமிகும் சினம் சூழ் வாழ்வு
தாரம் தனயன் வாழ்வையும் அழிக்கும்.
சாரமிகு உறவுகள் சிதைக்கும். அரசன்
இராவணன் சினம் இலங்கையை அழித்தது.

சினம் அடக்கில் சீறுமுன் சக்தியாதலால்
சினமெனும் மலையால் குப்புற வீழாது
மனமெனும் மாளிகை அமைதியால் கட்டு!
ஐனனமீடேறும் அறிவுப் புனலாலழி சினத்தை.

சின்னத்தனமிது! விலக்கு! அமைதி மெழுகும்!
அன்பொழுகும் மொழியால் ஆரத் தழுவு.
நன்மையால் கடைந்த வார்த்தைகளைக் கொளுவு.
இன்பமாய் இதமாய் உயிர் தழுவும்.

கணப் பொழுதும் காத்திடும் சினத்தால்
மணம் பெறுவாய் உயரோட்டச் சமூகத்தில்.
பணம் தராத நிலையும் அடைவாய்.
கணம் சினம் உன் குணமழிக்கும்.

மலர்ந்து நுகரும் வாழ்வுத் தோட்டம்
உலர்த்தும் குணம் மறத்தல் ஊட்டம்.
பலர் சினக் கழிவில் முக்குளித்து
புலர் விடியலை அனுமதிக்காது கொப்புளிக்கிறார்.

துச்சமாய் இருள் வனத்துளுன்னைத் தள்ளி
எச்சங்களில் நடக்கும் வாழ்வாய் சினமுன்
உச்சம் எரிக்கும் அச்சம் அகற்று!
மச்சமுடன் புகழ் முத்துக் குளிப்பாய்!

*

 

2081166qmwwivarb1

10. சான்றிதழ்கள் – கவிதைகள் ( கிராமத்தில் மழை)

 

amirtha kiramiy.18-2-17
*

நமது குழுமத்தில் சென்ற 17/02/17 மற்றும் 18/02/17 அன்று நடைபெற்ற 
கிராமியக்கவிதைபோட்டியில் பங்கேற்று கவிதை படைத்த கவிஞர்களுள் சிறந்தகவிதை படைத்து சான்றிதழ் பெறுகிறார். 
திரு.கவிஞர். வேதா. இலங்காதிலகம்

அவர்கள்.
அவருக்கு கவிஞர் ஜெயசுதா . நடுவர் பணிபுரிந்த அ.முத்துவிஜயன் மற்றும்

அமிர்தம் குழு சார்பாகவும் இனிய வாழ்த்துகள்

 
 அமிர்தம் -கிராமியக்கவிதை

*
 கிராமத்தில் மழை

*

மழை சோவென்றது வானம் பொத்தலானது.
மண்ணிலே நைல் நதி பெருக்கெடுத்தது
மனதிலே ஆனந்தம் பொங்கி வழிந்தது.
மளமளவென பழைய கடதாசிகள் தேடியது.

காகிதக் கப்பற் படை வரிசையானது.
கலங்கிய நதியில் ஓட்டியது நினைவது.
இந்தக் குசுனிக் குடிசையிலிருந்து ஓடியது
அந்தத் தலைவாசல் குடிசைக்கு கைகுடையானது

மழையில் நனைய அம்மாவின் ஏச்சு
ஏழைகள் வாழையிலைக் குடையோடு உலா.
ஓலை பின்னிய குடையோடும் சிலர்
மழையால் கிராமத்தில் பசுமைத் திருவிழா .

தெருவோர வயலின் நெற்கதிரின் குளிப்பு
பெருவானப் பிரதிபலிப்பால் வெள்ளை வெள்ளம்.
ஒரு மாயவழகு வெள்ளையுள் பசுங்கதிர்.
அரும் பட்டிமன்றம் தவளைகள் இராகம்..

புதிய பூங்கன்றுகள் ஈரநிலங் கொத்தியெழும்.
மயிர்கொட்டிப் புழு படையெடுப்பு மழையாலில்லை
கூரை வானத்தாரை வாளியில் நிறைத்து
கூத்தாடி மழையோடு மழையாய்க் குளிப்பு.

*

17-2-2017.  வேதா. இலங்காதிலகம். டென்மார்க்.

*

lines-c

9. சான்றிதழ்கள் – கவிதைகள் (23)பரமன் செவியில்

 

Kavijula-thensaral-thodar-vati

*

Poongavanam Ravendranதமிழமுது தேன்சாரல்

 .#தொடர்_குறுங்கவிதை_போட்டி_வெற்றிச்_சான்றிதழ்

#தலைப்பு_படத்திற்கேற்றதொடர்_குறுங்கவிதை_முதலாம்_சுற்று_போட்டி நாள் 2–3–17 இருந்து 7–3–17 

#வெற்றியாளர் #பாவலர்_வேதா. இலங்காதிலகம் அவர்களுக்கு வாழ்த்துகளும் பாராட்டும் போட்டியில் பங்கேற்ற அனைத்து கவிஞர்களுக்கும் வாழ்த்துகள்

💗💗💗💗💗💗💗💗💗💗💗💗💗💗
தொடர்_குறுங்கவிதை _நற்சான்றிதழ் 
💗💗💗💗💗💗💗💗💗💗💗💗💗💗

*

தமிழமுது தேன்சாரல் – முதல் சுற்று- 4-3-2017
வேதா. இலங்காதிலகம் டென்மார்க்.

பரமன் செவியில் பவ்வியமாய்
பதிவாக்கிய எண்ணக் குவியலால்
பாரம் விலகிய தெளிவில்
பாவை வதனத்துறுதி பர்வதமாய்.

பழகிய பிரசாதத்திற்காய்ப் புறா.
பாவையெண்ணப் பாக்கியத்திற்காய் படிக்கட்டில்
பாராயண மந்திரம். மனங்கவர்
பிரார்த்தனை மங்கலமாய் நிறைவேறுமா!

*

16730518_254409531651570_3435291619322629511_n

 

தமிழ்-சித்திரை-புத்தாண்டு-வாழ்த்துக்கள்-52650-18758

8. சான்றிதழ்கள் (22) கலங்காது இரு மனமே

 

amirtham 26-10-16

*

1https://www.facebook.com/photo.php?fbid=1998913450335335&set=gm.692564287565671&type=3&theater      

Jaya Sudha🌸🌸 அமிர்தம் 🌸🌸

2 November 2016 · 

நமது அமிர்தம் குழுவில் “கலங்காது இரு மனமே” என்ற தலைப்பினைக் கொண்ட கவிதைப் போட்டியில் கலந்து கொண்ட அனைவருமே சிறப்பாக கவிதை எழுதி இருந்தனர்.

இதில் நம் அமிர்தம் நிர்வாகிகளால் பரிசீலிக்கப்பட்டு கவிதாயினி திருமதி.Vetha Langathilakam அவர்கள் மூன்றாமிடத்திற்கு தேர்ந்தெடுக்கப்பட்டுள்ளார்.

இதோ அவர்களின் கவிதை :

அமிர்தம் போட்டிக் கவிதை 19-10-2016
வேதா. இலங்காதிலகம்.
டென்மார்க்.

*

கலங்காது இரு மனமே
*

இலங்கும் தன்னம்பிக்கை கலங்கரை விளக்காக
துலங்கும் விடாமுயற்சி துலாக்கோ லென்றாக
நிலங்குளிர வருமே வெற்றி ஒன்றாக
கலங்காது இரு மனமே துணிவாக.

*

சோம்பித் துவண்டால் உடல் தளரும்
சோபை இழந்திடும் துடிப்புடை மனம்.
சோபிதம் குறைந்தால் வாழ்வின் இன்பம்
சோதனை நிறைந்து குலுங்கும் கலங்கும்.

*

இதயம் நனைக்கும் அன்பில் கரைந்து
உதயத்தில் புத்துணர்வு பூமாலையாய் இணைத்து
பதியமிடுவோம் எதிர் நீச்சல் உணர்வை.
மிதித்து அழிப்போம் கலங்கும் உணர்வை.

*

பவளமல்லிகைகள் உதிர்வது போல பெரும்
கவளம் கவளமாகவேனும் கனவு நூல் 
திரட்டு! நல் நண்பனைத் தேடு!
புரட்டு நற் செயல்களாக! கலங்காதிரு!

*

தியான எண்ண ஈரத்தில் நனை!
மயானப் பாதை தூரமாகும் நினை!
சயனம் கூட இசையோடு இணை!
நயனம் நிறைப்பாய் நிம்மதிச் சுனையில்

!*

கலக்கம் ஓடும் மன வலிமையில்!
கவனம் நிறையும் தோப்பான உறவில்!
தினமும் சீவு நல் நினைவாய்!
கனமிறங்கும்! கலங்காது இரு மனமே!

*

046

9. சான்றிதழ்கள் (23) தர்மம். 

415வது கவிதையாக இந்த இணைப்பில் உள்ளது.
சென்று பாருங்கள்.  அங்கு இருப்பதால் இங்கு போடவில்லை( இணைப்பு )
மிக்க நன்றி.    https://kovaikkavi.wordpress.com/2015/12/05/416-%E0%AE%A4%E0%AE%B0%E0%AF%8D%E0%AE%AE%E0%AE%AE%E0%AF%8D/

**************************************************************

 

7. சான்றிதழ்கள் (21) பசி படுத்தும் பாடு.

 

kavijula - psai paduththum

*

அனைவருக்கும் வணக்கம்
நமது கவியுலகப் பூஞ்சோலை குழுமத்தில் 120–8–16 நாளாம் போட்டி கவிதையின்#படத்திற்கேற்ற_புதுக்_கவிதை_நடுவராக#Rifnafthaf_Ahammed பங்கேற்று முத்தான கவிதையை தேர்வு செய்துள்ளார்கள்
கவிதையின் வெற்றியாளர்#கவிதாயினி_Vetha_Langathilakamஅவர்களுக்கு வாழ்த்துக்களும் பாராட்டும் பங்கு பெற்ற ஏனையோருக்கு வாழ்த்துக்கள் ,,,, நடுவருக்கு வாழ்த்துக்களும் நன்றியும்
🔘******🔘*****🔘*****🔘*******🔘******🔘******🔘*****🔘******🔘
போட்டி 02.
*
18301607_10211423763606968_8190890911102142589_n
*

பசி படுத்தும் பாடு

*

முதுமை என்ன இளமையென்ன
பசி படுத்தும் பாடு
பெரும் பாடு! தன்மானமாக
வாழ எண்ணுகிறார் மூதாட்டி.
*
தள்ளாடும் முதுமையிலும் கடதாசிகள்
பொறுக்கிச் சேகரித்து, விற்று
” இரவாமை கோடி பெறும் ”
என்று உழைக்குமிவர் உயர்ந்தவர்.
*
உதவிக்கு யாருமற்ற நிலையில்
தானாகச் சுமையை இழுத்துச்
செல்லுமிவர் போன்று உலகில்
ஏழ்மை இயலாமையில் பலர்!
*
பசி ஏளனத்துடன் பாட்டியைப்
பார்க்கும்! பாட்டி கால்கள்
நீட்டிஓய்வெடுப்பார். உழை!
உழை உயிரிழக்கும் வரையென்று!
*
வேதா. இலங்காதிலகம். டென்மார்க் 20-8-2016.
*
🔘******🔘*****🔘*****🔘*******🔘******🔘******🔘*****

6. சான்றிதழ்கள் (20)கவிதைகள்.

 

amutha

 

இசைக்கிறேன் உனை இனியவளே என்றும்

*

அசைக்கிறேன் அருமை வர்ணங்களின் அலங்காரம்.
திசையெங்குமுன் புகழ் திவ்விய இராகமாகட்டும்
நசையுடன் நாதத்தில் சுருதி சுத்தமாய்
இசைக்கோலமே தெளிக்கிறேன் இதய சுத்தியாய்.
*
வேதா. இலங்காதிலகம். டென்மார்க் 11-6-2017
*
divider

5. சான்றிதழ்கள் (19)கவிதைகள்.

 

13227558_1020962241328581_3090090341245939285_o

*

பு(பொ)ன்னகை.

*

புன்னகை நல்லிதயத்தால் அழகாகத் தவழும்.
புன்னகை பல முறை சிந்தினாலும்
மென்னகையாய் ஆடம்பரமற்று இதழ் விரிக்கும்.
உன்னகை, என்னகை எல்லோர் புன்னகையும்
நன்னகை, இன்பநகை உலகைக் கவர்ந்திடும்.
தன்னிலை உயர்த்தும் சுயமதிப்பு பெருக்கும்.
*
தன்னகை அறிவால் ஞான நகையானால்
சின்ன நகையானாலும் அவைக்கு இணையாக
என்னகை உலகில் ஈடாகும் சொல்லுங்கள்!
பொன்னகையால் அழியும் உறவும் உலகும்
என்னமாய் பதுக்கி குற்றவாளி ஆகிறார்!
புன்னகை போதும் பொன்னகை வேண்டாம்!
*
பா ஆக்கம் பா வானதி
வேதா. இலங்காதிலகம். டென்மார்க். 14-5-2016
*
under-3pg

4. சான்றிதழ்கள் (18)கவிதைகள். –அன்பிற்கு ஏது வேலி.

 

nilla-velli -3

அன்பிற்கு ஏது வேலி.

*
பாகனின் அன்பில் மயங்கி
பாலகியைத் தும்பிக்கையில் தாங்கி
பாகாயிளகி பாசத்தில் கிறங்கி
ஆகா! அன்பிற்கேது வேலி!
*
பூவாய்த் தாங்கும் துணையும்
பூரிக்கும் பிள்ளைகள் அன்பும்
பூவாய் மலரும் பேரரும்
பூரண வேலியற்ற அன்பு.
*
அள்ளியெடுக்கும் தமிழ் பாலிங்கு
துள்ளியோடும் பெரு நதி.
கொள்ளையிடும் பொதிகைத் தமிழன்பு
தள்ளியோடா வேலியற்ற அன்பு.
*
அன்பிற்குக் கோபம், அதிகாரம்,
வன்முறை ஆகாத வேலியே!
அன்பிற்கு அன்பு, பாசம்
என்றுமே வெலியில்லையே!
*
பா ஆக்கம் பா வானதி வேதா. இலங்காதிலகம். டென்மார்க். 10-3-2016.
*
sssssss-a

3. சான்றிதழ்கள் (17)– கவிதைகள். பூஞ்சோலையில் ஒரு பொன் வீணை.

 

 

*

பூஞ்சோலையில் ஒரு பொன் வீணை.

*

பூச்சிதறும் நந்தவனம் உள்ளே அங்கேயா!
பூபாளம் இசைக்கும் பெண்ணா வீணையா!
பாச்சிதறும் ஒரு தமிழ் வீணையா!
பூங்கணை வீசுமொரு பெண் வீணையா!

*

பூவுலகில் இன்பங்கள் கோடி பல
பூரித்து மகிழ்கிறோம் நாளும் சில.
பூஞ்சிட்டுக்கள் ஒரு புறம் கலகலக்க
பூங்காற்று மனசெல்லாம் பூமணம் தூவியது.

*

பூமுகம் மலர்ந்தவொரு பெண் சிலையருகே
பூபாள இசை கேட்குமொரு குழந்தை
பூங்கோயிலெனத் தாய் முகம் பார்க்க
பூரித்து இராகம் இசைக்கிறாள் வீணையில்.

*

மஞ்சள் பட்டு உடுத்திய அவள்
மரகதச் சிலையாய் தாய்மை பொங்க
மிஞ்சிய இசையாய் தாய்மையாய் சிரிக்கும்
பூஞ்சோலையில் ஒரு பொன் வீணையவள்.

*

பா ஆக்கம் பா வானதி
வேதா. இலங்காதிலகம்.
டென்மார்க்.
25-5-2016

 

end