27. பாரதிதாசன் சான்றிதழ்கள் கவிதையுடன். வீறு கொள் பெண்ணே!..

 

kaviju-parathy-10

*

கவியுலகப் பூஞ்சோலை குழும சான்றிதழ்கள் – 10

*

வீறு கொள் பெண்ணே!..

*

ஆறு போன்ற உன்னோட்டம் தடுப்பார்
ஊறு செய்யவே சிலர் காத்திருப்பார்
ஏறு போல் வந்து பொருதுவார்
வீறு கொள் பெண்ணே துணிந்திடு!

*

வன்புணர்வு பாலியல் கொடுமைகளை அறிந்து
என்றுமே மௌனமாகாதே! ரௌத்திரம் பழகு!
தன்னம்பிக்கையை ஊன்றுகோலாய் எடு! உண்மையில்
உன் மையினால் பிழைகளைத் திருத்தியெழுது!

*

பெண்மையொரு மகாசக்தி அறிந்திடு! மனவயலில்
திண்மைப் புது எண்ணங்களைத் தூவு!
உன் மௌனம் நிர்வாணம்! தொன்மைக்காலமல்லவிது!
நுண்மையான அறிவாயுதம் ஏந்தி முன்னேறு.

*

பாரில் பல மங்கையர் போராடினார்
போரில் மன்னன் ஆற்காடு நவாப்பை
வீரியமாய்த் தென்னிந்திய சுதந்திர போராட்டத்தில்
தைரியமாய்ப் புறங்காணச் செய்தார் வேலுநாச்சியார்.

*

பாரதத்தின் முதற் பெண் வீராங்கனையின்
பாசக்கணவர் வெள்ளையரால் கொல்லப்பட்டார் தயங்காது
வேசமின்றி வெகுசனப் புரட்சியால் வென்றார்.
வேங்கையாவோம் வீறுகொள்வோம் வேலுநாச்சியார் போன்று!

*

23-4-2018   வேதா. இலங்காதிலகம். டென்மார்க்

*

veeramankai

 

Advertisements

26. பாரதிதாசன் சான்றிதழ்கள் கவிதையுடன். யாரிடமோ இவள் மனம்!……

 

 

kaviju-parathy-9

*

கவியுலகப் பூஞ்சோலை குழும சான்றிதழ்கள் – 9

*

யாரிடமோ இவள் மனம்!……

*

நிறம் கொஞ்சும் இரவிவர்மன் ஓவியமாய்
நினைவிருக்கும் வரை அரங்கேறும் காவியம்.
பிரபஞ்ச அழிவிலும் பிரிவற்ற காதல்
சுரம் கொஞ்சும் இராகமாலிகைப் பொழில்.
தரமுடை நினைவுத் தேனின் தேனடைகள்,
உரமான நினைவாற்றலில் நீந்தும் கனவுகள்.

*

நித்திலக் காதல் நிலவு வெளிச்சங்கள்
புத்தக மயிலிறகாய்ப் பொத்திய எண்ணங்கள்
சத்தான கனதியற்ற கற்பனை நினைவுகள்.
பூவிடும் மகரந்தப் பூந்துகள்கள், பூவாணங்கள்,
காவிடும் பூம்பல்லக்குகள், கனகரதங்களாய்,
நீவிடும் வாழ்வை நீண்டினிய பயணத்திற்கு,

*

இசையும் சுரப்பிகளின் இனிய மென்னகை
அசைத்து நனைக்கிறது உயிர் நதியை.
கிளுகிளுக்கும் இன்பத்தில் நெஞ்சம் கிறங்கி
தளதளக்கும் நேசத்தில் தனிசக்தி பிறந்து
குளுகுளுக்கும் பிருந்தாவன நீரூற்றாகும் இன்பத்தில்
கிசுகிசுக்கும் உயர் காதல் சிறகுகளாகிறதிங்கு

*

இவள் மனம் யாரிடமோ சங்கமம்.
இனிதான பெரும் ஊற்றாமன்புச் சாரலில்
இன்பத் திருவூற்றாம் விழிமொழியின் ஆதரவில்
ஊன் பாகமாயுயிரில் கலந்து இனித்து
தேன் பாகாய் உயிரில் உணர்கிறாளோ!
ஒன்றான உயிரின் தாளமிணையக் காத்திருக்கிறாளோ!

*

20-4-2018  வேதா. இலங்காதிலகம். டென்மார்க்.

*

 

butterfly- 3

25. பாரதிதாசன் சான்றிதழ்கள் கவிதையுடன். மேவிய காவிரியே தாவி வருவாயா!..

 

கவியுலகப் பூஞ்சோலை குழும சான்றிதழ்கள் – 8

kaviju-parathy-8

*

மேவிய காவிரியே தாவி வருவாயா!..

*

பூவிரிக்கும் கூட்டுறவு பூரணமாய் மனதில்
ஓவியமாய் மக்களிடம் ஒன்றாக இணைந்தால்
மேவிய காவிரியே தாவி வருவாள்
வாவிகள் வழிந்தோட வளம் தருவாள்

*

‘ கருநாடகத்தில் உடையட்டுமுன் கால்விலங்கு
காவிரியாய் நீ நடந்து காதுகளில்
தேன் வழங்கு ‘ என்கிறார் கவிஞர்.மு.மேத்தா
இன்றல்ல அன்றும் தான் நீர்சிக்கல்.

*

கர்நாடக மாநிலம் குடகு மாவட்டத்தில் 
நான்காயிரத்து நானூறடி உயரத்திலுதித்தாள்
தங்கத்தாதின் காத்திரமான பங்கு விகிதம்
கனதியால் பெயர்க் காரணம் பொன்னியாறு.

*

கா என்றால் பூங்காவாக செல்லுமிடமெல்லாம்
கா விரிப்பதாலும் காவிரி ஆகினாள்.
வண்ணம் பாடி வரமான காவிரியின்று
வறுமையாய் வளமின்றி வரண்டு வாடுகிறது.

*

எல்லைகள் ஏதுமற்ற எழிலான காவிரிக்கு
எல்லை வகுப்பவர் ஆறறிவு மானுடரே
புல்லரால் வரட்சி பன்னிரு மாவட்டங்களின்
பசுமை ஏக்கர் இருபத்தாறு இலட்சம்.

*

தண்ணீரை கர்நாடகம் தரமறுக்கும் பார்வை
கண்ணியமற்ற ஆற்று மணலள்ளும் கயமை
திண்டாடுகிறது காவேரி மண் நீரின்றி
கண்டு வாடுது ஏழைவிவசாயி நெஞ்சு.

*

 9-3-2018  வேதா. இலங்காதிலகம். டென்மார்க்.

*

alai..or..

24. பாரதிதாசன் சான்றிதழ்கள் கவிதையுடன். என்னுள் மலரும் நினைவா நீ!

 

kaviju-parathy-7

*

கவியுலகப் பூஞ்சோலை குழும சான்றிதழ்கள் – 7

என்னுள் மலரும் நினைவா நீ!

*

என்னுள் மலரும் நினைவு நீ
நீலவானக் கதிரின் மஞ்சள்
கோல எழிலுக்காய் உள்ளம்.
அலைகள் பொங்கும் நுரையுள்
வலம் வரும் குதிரையின் கம்பீர
உலாவாய் உணர்வுகள் சொடுக்கி
உயிர் பிழியமாட்டானா!

*

உன் தூரம் நீண்ட பாலைவனமாய்,
என்னுள் இரகசியமாய்ச் சபிக்கிறேன்.
மழைச்சாரலில் நனைந்த மல்லிகையாய்க்
குழையும் தனிமையும், குளிரும்
கவிந்து வியாபித்துப் போர்த்துகிறது
இதயம் பிளக்கும் இரகசிய இரணமாய்….
என்னுள் மலரும் நினைவா நீ

*

வசந்தம் குடிகொள்ளும் அறையுள்
விடியலின்றி உறவு, கருமைப்
பொடி தூவிய இருட்டாக.
நொடிப் பொழுதும் மனம்
துடித்த போர்வையை விலக்கிய
துடிக்கும் உணர்வுக்கான ஏக்கம்.
என்னுள் மலரும் நினைவு நீ

*

5-4-2018   வேதா. இலங்காதிலகம்.. டென்மார்க். 

*

one line

23. பாரதிதாசன் சான்றிதழ்கள் கவிதையுடன். (தமிழ் எங்கள் உயிருக்கு நேர்.)

 

 

kaviju-parathy-6

*

கவியுலகப் பூஞ்சோலை குழும சான்றிதழ்கள்-6

*

தமிழ் எங்கள் உயிருக்கு நேர்.

*

உயிரெழுத்து மெய்யோடு ஊடாடி 
உயிர்மெய்யாய்ப் புணர்ந்து மொழியின்
உயிர் நாணாகிச் செங்கோலோச்சுகிறது.
தாய்மொழியே கலாச்சார வேர்மொழி.
மொழியும் மரபுமொன்றாய்ப் பிணைந்தும்
மொழியழியின் மரபழியும் விதியாம்.

*

கலாச்சாரத்தில் வாழ்வுச் சாரமிணைப்பு.
மூலாதாரப் பழைமை உதாரணங்கள்
சீலாச்சாரத் தாய்மொழிக் கொல்லையின்
மூதாதையர் அடிச்சுவட்டில் தொடர்கிறது.
புத்தகவனங்களில் வழமைகள் மேய்ந்து
புத்துருவான அடிப்படை எல்லையாகிறது.

*

இன்னுயிர்த் தமிழின் படற்கை,
தன்மை, முன்னிலையிலில்லை மாறுகை.
நெடில், குறிலாய்க் கூடித்தமிழ்
நெடுங்காலம் வாழுது பரவசமாய்.
பனை ஓலைச் சுவடியிலன்று
மின் கணனிச் சுவடியிலின்று.

*

எல்லா உலகையும் ஆளும் 
நல்ல மூவின மொழி
கசடதபற – வல்லினம்
ஙஞணநமன – மெல்லினம்.
யரலவழள – இடையினம்.
கல்லாதவர் பாவம் அறிவீனம்.

*

ஏழு கடலளவிலும் பெரிய 
ஆளுமை கொண்ட தமிழ்!
தொழுது கண்ணில் ஒற்றி
அழுது மண்ணில் விரலால் 
மழலையாக அன்று எழுதிய
தமிழெங்கள் உயிருக்கு நேர்.

*

வேதா. இலங்காதிலகம். டென்மார்க்.  30-3-2018

*

 

akaram

22.பாரதிதாசன் சான்றிதழ்கள் கவிதையுடன். ( இரவின் மடியில் . )

 

கவியுலகப் பூஞ்சோலை குழும சான்றிதழ்கள்-5

 

kaviju-parathy-5

*

இரவின் மடியில் .

*
( புரவு- பாதுகாப்பு. விரவு- பரவுதல். முரவு- பறை வகை)

இரவின் மடியில் இன்மனம் உறங்கும்.
புரவுப் படியில் கனவுகள் மலரும்.
நிரவும் மலர்கள் நிறை மஞ்சமீது
சரணம் கொள்ளும் இதமான தூக்கம்.

*

பரவும் நாளின் பரபரப்பு நடுவிலும்;
திரவியம் மனிதனுக்கு திரளும் தூக்கம்.
சரளமான துயில் கொள்ள லென்பது
பரவும் அமைதியா பரமன் கொடையா!

*

அரவமான துயிலாமை இரவு. மடி
புரவியின் பாலைவனப் பயணம் சிலருக்கு.
அரற்றும் வெறுமை, இருண்மை, தனிமை
முரவு அடித்து முதுகு சொறியும்.

*

வரமேயொரு நிறை தூக்க இரவு.
விரற் சித்திர மன்மதக் கோயில்
சுரம் பாடும் சிறையும் நல்
இரவின் மடியில் உயிர் ஊன்றும்.

*

பொன்னிலவில் கடலலை தவழ வருடும்
தென்றல் அடமின்றி வசந்தம் இசைக்க
அன்றைய நிலவில் அசைந்த காதல்
இன்றுமினிப்பது இரவின் மடி அறியும்.

*

வேதா. இலங்காதிலகம். டென்மார்க்.   26-3-2018

*

Scan-eye closed

21. பாரதிதாசன் சான்றிதழ்கள் கவிதையுடன். (மண்ணில் உலவும் விண்ணக தேவதைகள்)

 

கவியுலகப் பூஞ்சோலை குழும சான்றிதழ்கள்-4

*

kaviju-parathy-4

*

மண்ணில் உலவும் விண்ணக தேவதைகள்

*

பஞ்சுக் கன்னம் பிஞ்சு விரல்
அஞ்சும் விழி அமுத மொழி
கஞ்சமற்ற புன்முறுவல் கதுப்புக் கன்னம்
துஞ்சும் விநாடியும் இணை பிரியேன்.
வஞ்சி மகளென் வசீகர தேவதை
மஞ்சுப் பெண்ணெ என்னாசை மகளே

*

உயிராய் என்னை அன்று உருவாக்கினாள்
உயிர் எழுத்தும் உணர்வும் ஊட்டினாள்
உலகில் எங்கும் உருவாக முடியாதவள்
உள்ளே கருவிலெனை உண்டாக்கி உதிர்த்தவள்.
உகந்தவள், உயிரானவள் அப்பாவிற்கும் எனக்கும்.
உண்மையாய் என்னுயிர்த் தாய்த் தேவதையவள்.

*
மேனகை, ரம்பை, ஊர்வசி திலோத்தமையை 
மேவிய என் தோழி தமிழரசி
மேன்மையான உயிர்த் தமிழ்ப் பண்டிதை.
இன்தமிழில் என்னை மறக்கடிக்கும் ஒளவை.
இன்பமுடை பெரு வண்டு விழியாள்.
அன்பில் ஆழ்த்தும் இகலோகத் தேவதை

*

அரம்பையர்கள் அன்றும், இன்றும் என்றும்;
நிரம்பவே கண்களில் நிறைகிறார் பூவுலகிலும்.
தரமுடை கலையரசிகள் பத்மினி, சோபனா
வரம்பற்ற நடன தேவதைகளாய்ப் பலர்
சரமாக மொழியலாம் சுந்தரிகள் நாமத்தை
வரம் எமக்கு மண்ணிலுலாவும் தேவதைகள்.

*

23-3-2018    வேதா. இலங்காதிலகம். டென்மார்க்.

*

angel

20. பாரதிதாசன் சான்றிதழ்கள், கவிதைகள் (உண்மை சொல்வாய் மனமே.)

 

கவியுலகப் பூஞ்சோலை குழும சான்றிதழ்கள் – 3

 

kaviju-parathy-3

*

உண்மை சொல்வாய் மனமே.

*

( அண்ணார் -பகைவர். வண்மை –வாய்மை. தெண்மை –அறிவின் தெளிவு. அண்ணல் -பெருமையுடையவர், இன்னும் பல)
கண்ணியமான வாழ்வெனில் அங்கு
உண்மையும் கலந்திருக்கும் நன்கு.
அண்ணார் கூட மதிப்பார்.
அண்ணல் என்றும் குறிப்பிடுவார்.
பண்ணும் இசைத்து ஏற்றிடுவார்.
*
வண்மை நிறைந்த வார்த்தைகள்
விண்ணைப் போன்ற வெண்மையது.
உண்மை நிலையால் வீழ்த்திட
விண்ணவரும் நளனைச் சோதித்தார்
மண்டியிட வில்லை நளமகாராசா.
*
தெண்மையுடன் பிறருக்குத் தீங்கற்ற
தண்மை வார்த்தைகள் கூறுதலே
உண்மை சொல்லல் உணர்வாய்!
மண்ணிலிதுவே மாணிக்கம்! மனக்
கிண்ணத்திலெடு! உயரத்தில் ஏறுவாய்!
*
நெஞ்சறிந்து பொய் சொன்னாலுன்
நெஞ்சே உன்னை வருத்தும்
அஞ்சாது உண்மை சொல்வாய்
வெஞ்சமரில் வென்றதாய் இன்புறுவாய்.
பஞ்சணையில் நிம்மதியாய்த் துஞ்சுவாய்.
*
பணம், புகழ், அகந்தையுன்
குணம் மாற்றி உண்மை
மணம் அழிக்கும் உணர்!
பிணமாக மதிப்பார் உண்மையற்றவனை
உண்மை நீராலுனைச் சுத்திகரி
*
வேதா. இலங்காதிலகம். டென்மார்க்.18-3-2018.
*
swan devider

19. பாரதிதாசன் சான்றிதழ்கள் கவிதையுடன். ( கண்ணீர் கசியும் வளங்கள்.)

கவியுலகப் பூஞ்சோலை குழும சான்றிதழ்கள் – 2

 

kaviju-parathy-2

*

கண்ணீர் கசியும் வளங்கள்.

*

சுற்றுச்சூழல் பாதுகாப்பின் பிரதானம் மண்.
பற்றுமோரங்குல மண்ணுருவாக முன்னூறு – ஆயிரமாண்டுகளாகும்.
உற்ற பிடிமானம் மரவளர்ச்சிக்கும் மண்.
உலகயியற்கை ஆதாரங்களில் மிக முக்கியமானது.
*
ஓசையின்றி இரவோடிரவாக மணற் திருட்டு
ஓட்டாண்டி ஆக்குகிறார் உலக மக்களை.
ஓடாதோ கண்ணீர் இத்தகைய துரோகங்களால்.!
ஓம்புதலென்பது புரியாத ஈனராய் இவர்கள்.
*
முகிழும் மண் மலர்ச்சியைக் கெட்ட
நெகிழியும் கெடுத்து அழிப்பது கொடுமை!
மகிழ மனமின்றிக் கசிகிறதே கண்ணீர்.
திகில்! கடல் வாழுயிரினமும் மரணிக்கிறதே.
*
கால்நடைகள் நெகிழியை உணவாக்கிக் கருகுகிறதே!
காருண்ய மனிதர் மனங்கொண்டு மாறலாம்.
காதலுடன் துணி உறையைப் பாவித்தால்
கருத்தாகக் கைவேலையையும் ஊக்குவிக்கலாம்.
*
பழமுண்ட குருவியின் விதை நழுவுகிறதே
பார்! இன்னொரு மரம் உருவாகுதென
பாவி மனிதன் மரத்தையே தறிக்கிறான்!
பாழும் பணத்திற்காகக் கொடுமை செய்கிறான்.
*
நிலத்திற்குக் காவல் மரம்! மறந்தோமா!
நிழல் பெறுவோம், மழையதிகம் பெறுவோம்.
நினைக்காது அழிக்கிறோம்! மரம் வளர்த்து
நிதமும் கசியும் கண்ணீர் துடைப்போம்.!
*
வேதா. இலங்காதிலகம். டென்மார்க். 16-3-2018
*
akaram

18. பாரதிதாசன் சான்றிதழ்கள் கவிதையுடன். (உள்ளுவதெல்லாம் உயர்வுள்ளல்.)

 

கடந்த 17 பாரதிதாசன் சான்றிதழ்களும் – முகநூல் சங்கத் தமிழ் குழுமம்தந்தவை.
இனி வருவது கவியுலகப் பூஞ்சோலை குழும சான்றிதழ்கள்.

kaviijulakam - BARATHY-1

*

சங்கத் தமிழ்பூங்கா குழுமத்தின் சான்றிதழ்கள் இது வரை வலையேற்றினேன்.
இது கவியுலகப் பூஞ்சோலையில் நான் பெற்ற ஒரு பாரதிதாசன் சான்றிதழ் இது

கவியுலகப்பூஞ்சோலை – பாரதிதாசன் போட்டி. இல. 05

*

 உள்ளுவதெல்லாம் உயர்வுள்ளல்.

*

உள்ளுவதெல்லாம் உயர்வுள்ளல் அத்தோடும்
அள்ளுதல் உள்ளத்தாலும் தூயதாகட்டும்.
உள்ளம் ஆசு தள்ளிடில்,
கொள்ளும் மனதின் தெளிவினில்
துள்ளும் நல்லொழுக்க எண்ணங்கள்.

*

இல்லத்தில் இந்நிலை உலாவினால்
செல்வங்கள் அடியொற்றும் நிலையாகும்.
நல்ல எண்ணங்கள் அத்திவாரம்.
நல்வழிக்குப் பொய்யறு நிலையுறுதி.
அல்லல்லழிக்கும் உண்மை பேசுதல்.

*

உயர் குறிக்கோள் உள்ளத்திற்கு
அயர்வற்ற ஊக்கம் தரும்.
துயரற்ற வெற்றியாளர் அனுபவம்
நயமுடன் தேடி அறி.
வியப்புறு வெற்றி பெறுவாய்.

*

நோக்கம் ஒன்று நிறுவு!
ஆக்கமுடன் குறி நோக்கு!
ஊக்கமாய் நகருதல் அவசியம்!
தேக்கமற்ற ஏக்கம், தயக்கம்
விலக்கியடியெடு வெற்றி உனதே!

*

மனமே நண்பன் உயர்த்துவான்!
வானம் தொட நினை!
தானாக மரத்திலேனும் ஏறுவாய்!
பின்னோக்கியுனை நீயே தள்ளாதே!
தன்னம்பிக்கை, உயரறிவு மனப்பாங்கேயுதவும்!

*

வேதா. இலங்காதிலகம். டென்மார்க் 28-3-2017

*

 

ribbon