33. பா மாலிகை ( கதம்பம்)528 – நாதம் என் ஜீவனே

 

naatham

*

நாதம் என் ஜீவனே

*
(பகாரம் – அழகு, தெளிவு)

இசையின் ஆதாரம் நாதம் குரல்
அசைய இன்பம் தரும் நாதம்.
தசையாகி நாதம் சுருதி தரும்.
பசையாகும் சுருதியால் சுவரம் எழும்.

*

சுவரங்கள் தென்றலாகி இராகம் தரும்.
சுகராக நாதம் எம் தஞ்சமாகும்.
விகார நாதம் இசைவற்ற கீதம்
பகாரம் நாதம் எம் ஜீவனே.

*

ஆதி நாதப் பிரமம் ஓங்காரம்
ஆதி அந்தமற்ற நாதமின்றேல் உலகேது.
சங்கிலிருந்து பிரசவம் ஓங்கார நாதம்.
எங்கும் அதுவே பிரமம் கடவுள்.

*

அமைதி நாதம் அருந்தும் நேரம்
அழகு அங்கமும் தாளம் இடுமே
அகமும் மகிழ்ந்து அர்த்தம் பெறுமே
மோக நாதத்து ரசனையில் தேனூறுமே.

*

உயிரை உருக்கும் உன்னத நாதம்
உணர்வு நரம்பு மீட்டி உவப்பாகுமே
உறவு ஊஞ்சலாடும் உலகு சிறிதாகுமே.
உல்லாசக் களிப்பில் உயர் செயலாற்றுமே.

*

வேதம் என்றாகும் நாதம் உலக
பேதங்கள் அழிக்கும் சாதனை துனிர்க்கும்.
தீதினை நசுக்கும் தீங்குரல் இனிமையில்.
நாதம் என்றும் என் ஜீவனே

*

வேதா. இலங்காதிலகம். டென்மார்க் 28-10-2016

*

45

Advertisements

32. பா மாலிகை ( கதம்பம்)527 பொக்கிசம் (முதுமை)

 

66684_140492679330791_43170_n

*

பொக்கிசம் (முதுமை)

*

ததும்பும் அனுபவ நிலை.
பதுமை பொது நிலை.
அது மெய் வலை.
முதுமை, மிகு பத்திரம்.
கைது நிலை உணர்வுகள்.
பொதுமையானவர் முதியவர் சமூகத்தில்.
முதுமையோடிளமை பால்யம் சகடம்.
முதுமை சாபமல்ல வரம்.
*
ஒதுக்குவார் நெருங்கார் பலர்
ஒதுங்குவார் அதனால் சிலர்..
முதுமை புதுமை முதிர்ச்சி.
திருவமுது முதுமை புலமை.
பெருகும் சுய மதிப்பீடு
மெருகேறும் சுய அபிமானம்..
அருகில் சென்று பேசுங்கள்.
சுருங்கும் தோல் உங்களிற்கும்.
*
அமைதி ஆசையின்மை நிறையும்
அந்திம சங்கம நிலையம்.
நங்கூரமிட்ட மனித சக்திகள்
சங்கூதித் தளரும் சித்திகள்.
நெடுங்கதையல்ல சிறுகதையே வாழ்வு.
நெருங்கும் முதுமை எல்லோருக்கும்
தாயே மகிழ்ந்திரு தாண்டிய
தாராள வாழ்வில் நிறைந்திரு.
*
பா ஆக்கம் பா வானதி வேதா. இலங்காதிலகம். டென்மார்க். 2-2-2016
*

31 . பா மாலிகை (கதம்பம்) (526) ( ஆய்வு )

 

reserch

*

ஆய்வு

1.
ஆய்வால் தேடும் விளக்கங்கள்இ பயன்கள்
அறிவு வளர்ச்சியின் உயர்ச்சிப் பயன்பாடு.
ஆழ்ந்த தேடலாய்வு உலகெங்கும் உயர்வு.
ஆய்வாளர் மூளை ஓய்ந்திடாது கருமமாற்றும்.
2.
ஆய்வு வானிலை இ கலைத் தேடல்
கலாச்சாரம் கடலாய்வென பல விதங்கள்.
உயர் பரிசுகள் ஆய்வினால் பெறுகின்றனர்.
நாட்டின் முன்னேற்றம் இதனால் உயரும்.
(வேறு)
ஆய்வின் நோக்கம் மூளை வளர்ச்சி.
ஆழ்ந்த வாசிப்புஇ பிறரைப் பேட்டியெடுத்தல்
ஆழ்ந்து விடயங்களில் ஊன்றும் கவனிப்பு
அறிவின்மை இருட்டைப் போக்கும் ஒளி.

*

மனித நாகரீக வளர்ச்சி பண்பாடு
புனித அறிவின் வளர்ச்சிக் கோடு.
வனிதமான ஆய்வு புத்தறிவுத் திரட்டு
தனித்துவ தேடல் வேட்கை வெற்றிக்கோடு

*

அறிந்ததை மேலும் ஊன்றித் தேடலால்
அறியாதவை புதையலாக வெளி வருதல்
ஆய்வு என உரு மாறுகிறது.
அறிவின் தேடல் அறியாமையினழிவு ஆய்வு

*

 

வேதா. இலங்காதிலகம். டென்மார்க். 27-12.2017

*

 

jogo-pesquisa-ícone-desenho_csp1884019

 

30. பா மாலிகை (கதம்பம்) (525) (எல்லையில்லை.)

 

ellai

*

நிலாமுற்றக் கவிதை 19-5-2016.
*
(முல்லை – வளம். முல்லையெனும் அன்பு – முல்லை மணம்வீசும் அன்பு )
*

 எல்லையில்லை.

*
எல்லையில்லா வானம் நிமிர்ந்து பார்!
தொல்லையழியும் மனம் அமைதியாகும் பார்!
எல்லையில்லாக் கடல் பொங்கியது, ஊர்
அல்லல் அறிந்தோம் அழிந்தது சீர்!
*
எல்லையில்லாதவை பல உண்டு – சில
எல்லை வெகு தொல்லை தரும்.
எல்லையில்லாதது அன்பு, வெற்றி – நீயே
எல்லையிடு அளவாய் அனுபவித்து மகிழ்!
*
எல்லையை வரைவதும் உடைப்பதும் நாங்கள்.
எல்லையில்லாப் பெருமை முல்லையுடை கலைகள்!
முல்லையெனும் அன்புக்கும் எல்லை சூழும்…
தொல்லை தரும் ஆக்ரோசம் புகுந்தால்!
*
எல்லையில்லை என்ற இறுமாப்பு அழித்து
எல்லையாம் சுயகட்டுப்பாடாய் வாழ்வை வகுத்து
எல்லையில்லா மன அமைதி காண்பது
வல்லமையுடை நம் அறிவுத் தெளிவு!
*
பா ஆக்கம் பா வானதி வேதா. இலங்காதிலகம். டென்மார்க். 19-5-2016
*
gate line

29. பா மாலிகை (கதம்பம்) (524)நிம்மதி திசை

 

Tamil_News_large_1369962
*

நிம்மதி திசை

*
அமைதி உயர் சொர்க்கம்
அவதியற்ற நிலையின் வர்க்கம்
அகதிக்கு எட்டாத அர்க்கம் (பொன்)
சகதியல்ல சிலரெட்டாத பிராப்தம்.
*
பகைமையில்லாத சாந்த நிலை
தொகை வன்முறையற்ற வலை
முகைதலான (அரும்புதல்) நிம்மதி சோலை.
முரண்களின் அந்தமான நிலை.
*
இயற்கை அழகு அமைதி
செயற்கையாகவும் உருவாக்கலாம் அமைதி
மயற்கை உடலியக்க அமைதி
மமதையழிய முகிழும் அமைதி.
*
அகந்தை அழித்து அறிவால்
அன்பை விதைத்தால் அறிவாய்
அமைதி. மலர்கள், மலைகள்
அமைப்பதும் அமைதி வலை.
*
இசையில் மயங்கி அனுபவி.
அசைக்கும் தூரிகையின் ஓவியம்
தசையையும் இளக்கி நிம்மதி
திசைக்கு உன்னை அழைக்கும்.
*
பா வானதி வேதா. இலங்காதிலகம். டென்மார்க். 5-11-2017.
*
12720-22coloured

28. பா மாலிகை (கதம்பம்) மகிழ்ச்சிப் பாதை. …(523)

 

MEGAMALAIONE

*

மகிழ்ச்சிப் பாதை. 

*
அறிவுப் பாதை வழியேகும்
அன்பு நூலகம் சென்றிட
அகந்தையற்ற அகநிலை கொண்ட
அக்கறைப் பாதை தேவை.
அங்கீகாரப் பாதைத் தெரிவு
அகமகிழும் பாதையாக வேண்டும்.
*
செந்நெறி விலகிய பாதையில்
செல்லும் பயணம் தொடராது.
செழிப்பில்லாப் பாதை விரிப்பில்
விழிபிதுங்கும் சுத்த சுவாசம்.
செழிப்புடை செயற்பாட்டு ஏற்பாடு
செவ்வழிப்பாதையாய் அமையும்.

*

குருட்டுப் பாதைக்கும் ஒரு
குறியீட்டுப் பலகை உண்டு.
குறிப்பாலுணர்ந்து வெற்றி மனிதன்
குறி தவறாது பயணிக்க வேண்டும்.
குருடாகிப் பயணிக்கும் மனித
குணாதிசயங்கள் மிக வியப்பு!
*
தோப்பாகும் பாதை நிழல்
தோகை விரித்து வரவேற்கும்.
தோன்றும் சிந்தனைக்கு விலங்கிடாத
தோட்டம் தோதான தோற்றுவாய்.
வேம்பாகக் கசந்து பிரியத்தின்
வேரறுபடாப் பயணமே வெற்றி.
*
வித்தகப் பாதை விளைநிலங்கள்
வியாபித்துள்ளது வியனுலகில்
வித்தை செய்யும் பாதைக்கு
சொத்தையற்ற தெரிவு தேவை.
விருப்பப் பாதைத் தெரிவிலே
விளைவது என்றும் மனமகிழ்வே!
*

– வேதா. இலங்காதிலகம் (ஓகுஸ், டென்மார்க்.) 21-10-2010.

http://www.geotamil.com/pathivukal/poems_nov_2010.htm#Vetha

*

bar-line-2

 

27. பா மாலிகை (கதம்பம்) நிறை   நோக்கிற்காய்…(522)

 

 

12182855_934927629921425_3476452656964753697_o

நிறை   நோக்கிற்காய்…

*

நன்னோக்கு வீசுவதற்கு
கண்ணோக்கு எளிமையாக்கு
இன்னோக்கு முதலாக்கு
நின்னோக்கு புகழாக்கு.

*

கடும்நோக்கு கிருமி நோக்கு
சுடும் வாக்கு சுலபமாக்கு.
தொடும் வாக்கு மென்னோக்கு
கருணையாக்கு புனித நோக்கு.

*

செந்நாக்கு அண்ணாக்கு
வன்நாக்கு வறியதாக்கு
தன்நாக்கு குளிர்மையாக்கு
இந்நோக்கு முன்னோக்கு.

*

தனித்துவமாக்கு தகவாக்கு
மனிதநோக்கு மகாநோக்கு.
இனிதாக்கு இசைவாக்கு
குறைநோக்கு குனிவுக்கு.

*

பா ஆக்கம்
பா வானதி வேதா. இலங்காதிலகம்.
டென்மார்க்.
28-10-2015

*

 

divider lines.jpg - A

26. பா மாலிகை (கதம்பம்)ஆதிசிவன் தந்த ஆடற்கலை+கலைகளில் பரதம். (521)

 

b44317308f5068b4fbcd487aac1b0ece--actress-pics-dance-company

*

ஆதிசிவன் தந்த ஆடற்கலை

*

தென்னிந்திய தமிழ்நாட்டு தேவ கலையிது
இன்னமுத பாவம், ராகம், தாளமானது
பின்னிய உணர்வு, இசை, தாளமானது.
தொன்மையாம் பரதமுனிவர் உருவாக்கிய பரதமது.
ஆதிசிவன் தந்த ஆடற்கலை என்பது.
*
சிவனே ஆடினார் ஆனந்த தாண்டவம்
சினத்தில் ஆடினார் ருத்திர தாண்டவம்.
சிறந்த உடற்பயிற்சியாம் நடனப் பயிற்சியால்
பிறக்கும் அரங்கேற்ற விழாவாம் அரங்கப்பிரவேசம்.
கிறங்கும் விழிமொழி, உடல்மொழி அழகியல்.
*
மானென குதித்து மீனென நெளியும்
பாவனைகள் நிறைந்த ஆடல் எழுபதாண்டாக
பரதநாட்டியம் பெயரோடு திகழும் தெய்வீகம்.
தேனுண்ணும் வண்டாகக் காண்பவர் மயங்க
ஊனையுருக்கும் கலை இரண்டாயிரமாண்டுகள் முன்னையது.
*
கால்களில் சலங்கை கொஞ்சும் ஆடல்.
காண்பவர் மனமுடல் இரசனையில் அசைத்தல்
வண்ண ஆடை அணிகளுடன் மயிலென
எண்ணற்ற முத்திரைகள் அடவு ஐதியாகி
பண்ணுடன் நவரச பாவங்கள் இணைவது.
*
உடலை ஊடகமாகக் கொண்ட தொடர்பாடல்.
சடங்குகளில், இறைவழிபாடு, காதலில் இணைந்து
நடனம் ஆழ்மனதை கிளர்த்தும் சமூகத்தொடர்பாடல்
புடமிட்டு மனிதனின் கலாச்சாரம் பேணி
இடங்கொண்ட வாத்திய இசைகளோடு ஆத்மதிருப்தியளிக்கும்
*
கண்ணழகு, உடலழகு, கை மொழியோடு
நுண்ணிய அபிநயத்தால் கதை சொல்லும்
விண்ணவரும் சொக்கும் பக்குவக் கலை
மண்ணிலே சிறந்த நூதனக் கலை பரதம்.
தண்மை நிலை தரும் கலை.
*
vetha,Langathilakam, Denmark.  12-10-2017.
____________________

கலைகளில் பரதம்.  

*

பரதமுனிவர் அறிமுகமாக்கிய உயரிய கலை
பாவம்இ ராகம்இ தாளமிணைந்த சொல்
தேவதாசிகளின் சதிராட்டத்தின் நெறிப்படுத்திய
வடிவம். சின்ன மேளம், கூத்தாடல்
தாசி ஆட்டம். எழுபதாண்டுகளாகப் பரதமானது.

*

முகபாவனைகளில் நவரசங்கள் பிறக்கும் அழகு
அகம் குளிரச் செய்யுமுடல் மொழி.
முத்திரையிடும் கைவழி கண்கள் செல்ல
கண்கள் வழியோடிதயமும் செல்லும் இன்பவழி.
பாவரசமிணைந்த அறுபத்து நான்கு கலைகளிலொன்று.

*

சஞ்சலமின்றிச் சலங்கையைக் கண்களிலொற்றிப் பூசித்து
அஞ்சாது அழகு மயிலாக ஆட
கொஞ்சிடும் சலங்கை தவறாது தாளமிட
வஞ்சியவள் சந்தத்தில் பரவசமாய் ஆடுவாள்.
கெஞ்சிடும் மனம் இன்னொரு தடவையென்று.

*

கண்கள் கருவண்டாய்ச் சுழன்று மொய்க்க
அண்ணாவியசைவில் மேடையில் கால்கள் பாவாது
வண்ணமாய் ஒயிலாயாடி அபிநயத்தில் எண்ணத்தில்
கண்ணன் லீலைகள் விரிந்திட அழகுப்
பெண் ராதையைத் தேடுவதோ மீயழகு.

*

உடல், மனம், ரசனைக்குப் பயிற்சி
உன்னதத் தென்னிந்தியர் தமிழர் நடனம்

இரண்டாயிரம் ஆண்டுகளின் முன்னைய உருவாக்கம்.
அடவு,  ஐதி, பாடல் நட்டுவாங்கமென
இசைக் கருவிகளின் கூட்டுக் களியாடலுமாகும்.

*

Vetha.langathilakam. Denmark.  26-5-2017.

 

544790_589749011038301_969070378_n

25. பா மாலிகை (கதம்பம்)எது சுமை (520)

 

22196442_10212757101379579_440822931906335277_n

*

எது சுமை

*

சுமை, பொருட்களின் நிறையும்
சுமையாகும் மனதின் பிரச்சினைகளும்
தமை வாட்டிக் குமைகிறது.
அமைவதில் சுகமான சுமையுமுண்டு.
சமைத்தலோ உருசியான சுமை.

*

உடலுக்கு உயிர் சுமையில்லை
கடலுக்கு நீர், மீன்,
திடலுக்கு மலை சுமையில்லை.
அடம் பிடிக்கும் பிள்ளை
அடங்காத சுமை பெற்றவருக்கு.

*

தமிழ் சுமையில்லை என்றும்
அமிழ்தினும் இனிப்பது உயிரிது.
தன்னம்பிக்கையற்ற மனதிற்கு அனைத்தும்
தரணியில் தாங்கிடச் சுமையே.
தைரியம் வேண்டும் மனதிற்கு.

*

சுமையென்ற நினைப்பே சுமை.
இமை கண்ணிற்குச் சுமையில்லை.
உமை சிவனுக்குச் சுமையா!
அமைவதைத் துணிவோடு எதிர்கொள்ள
நம்பிக்கைத் தேனில் இலேசாகும்.

*

சுமை என்ற தலைப்பில் எனது முதல் வலையான வேதாவின் வலையில் உள்ள கவிதையின் இணைப்பு இது.

https://kovaikkavi.wordpress.com/2010/09/21/83-%E0%AE%9A%E0%AF%81%E0%AE%AE%E0%AF%88%E0%AE%95%E0%AE%B3%E0%AF%8D/

வேதா. இலங்காதிலகம். டென்மார்க், 15-6-2017

*

 

lines-c

24. பா மாலிகை (கதம்பம்)காலத்திற்கும்… (519)

 

 

13975249_10208934733382768_7430908536076387216_o

*

காலத்திற்கும்……
*

ஓடிக் கொண்டேயிருக்கும் மன எண்ணம்
பாடிக் கொண்டேயிருக்கும் தினம் தினம்
புல்லாங்குழல் துளைகளால் இசை வழிகிறது.
பல்லாங்குழி ஆடி ஆசுவாசமாகிறது மனது

*

கண்களிற்குத் தெரியும் வானச் சுவர்.
எண்ணத்தில் தெரிவது கடல் தொடுவதாய்
சுவருமில்லை கடல் தொடுவதுமில்லை. ஓரு
மாயத் தோற்றம் கானல் சுவரேதான்.

*

தேவர்களல்ல அவர்கள் வெறும் மானிடரே
தேவதருவல்ல மனம் ஊன் உதிரமுமே
எல்லாப் பூக்களும் மணப்பதில்லை நெஞ்சில்
நில்லா மணங்கள் எனவும் உண்டே

*

ஈனச் சுவர் ஊனச் சுவரிடியும்
சீனச் சுவர் மானச் சுவரிடியாது
கான அலை காதில் கேட்டபடியே
காலத்திற்கும் நெஞ்சில் பாட்டு ஓடும்.

*

வேதா. இலங்காதிலகம் 11-8-2016

*

 

765536nduvjsuirm1