5. பிரபலங்கள் – கவிஞர் முத்துக்குமார்.

 

muthuku

*

பட்டுக் கவிதை பின்னியவன்
தொட்டு நெஞ்சத்திலமரும் போது
விட்டு நூலறுந்த தென்ன
மனம் விரும்பி ஆழும்போதெல்லாம்
கனம் மிகுந்து நழுவுவதென்ன
தினம் நடந்தாலும் புத்தியிலுறைப்பதில்லையே!
*
ஏற்றுத் தானாக வேண்டும்.
எங்கோ எழுதியதிப்படித் தானே!
நல்ல வரிகளெம்முள் நீளும்
நாளும் வாழ்வான் பாக்களாக.
அவன் ஆனமா ஆழ்ந்துறங்க
என் அஞ்சலியும் இணைகிறது
*
வேதா. இலங்காதிலகம்   டென்மார்க்   14-8-2016
*
தமிழ்-சித்திரை-புத்தாண்டு-வாழ்த்துக்கள்-52650-18758
Advertisements

4. பிரபலங்கள் (முத்தமிழ் வித்தகர் விபுலானந்தர்.)

 

vipu

*

முத்தமிழ் வித்தகர் விபுலானந்தர்.
………………………………………………………………

 

ஆதித் தமிழ்க்குடி அறவழிக்காரர், ஆத்மஞானி
ஆற்றலுடை பேராசிரியர், இயற்றமிழ் வல்லவர்
அறிவியற் கலைஞர், சங்கத் தமிழில் சிறந்தவர்.
இருபதாம் நூற்றாண்டுத் தமிழ்வளர்ச்சிக் கருவாளர்.

*

தம்பதிகள் சாமிக்கண்ணு கண்ணம்மா புதல்வர்.
தம்பிப்பிள்ளை இயற்பெயர். நோய் வாய்ப்பட
தமிழ்க்கந்தனருளால் (கதிர்காமம்) குணமாகியதால் மயில்வாகனன்.
தாய்மொழிக் கல்வி, அறிவியற் கல்வி வித்தாளரிவர்.

*

மயில்வாகனமென்ற விபுலானந்தர் கிழக்கிலங்கை அவதாரர்.
மரபு வழிக்கல்வி காரைநகரில் ஆரம்பம்.
மதுரைத் தமிழ்சங்கம் முதலிலங்கைப் பண்டிதர். (1916)
முதலாவது இலங்கைத் தமிழ்ப் பண்டிதருமிவரே.

*

வித்தகப் புதையல், மனுகுல நேசிப்பாளர்
உத்தமமாகப் பயிற்றப் பட்ட ஆசிரியரிவர்
தித்தித்த தமிழாராய்ச்சியிறுதியில் இசைத்தமிழ் ஆராய்ச்சியானது.
அத்துடன் நாடகத் தமிழ் நல்லாசிரியருமானார்.

*

முதல் தமிழ்ப்பேராசிரியர் அண்ணாமலைப் பல்கலைக்கழுகம் 1931
முதல் தமிழ்ப்பேராசிரியர் இலங்கைப் பல்கலைக்கழகம் 1943.
மொழி பெயர்ப்பாளர், பல்துறைசார் பேரறிஞர்.
முதியோர், பாலருக்கும் பாடசாலைகள் அமைத்தார்.

*

பாடசாலைகளின் முகாமையாளர், இதழாசிரியர், விஞ்ஞான 
பட்டதாரி, கல்விக் கண்திறந்த கல்வியாளர்
பன்முகத் திறமையான வரலாற்று நாயகரால்
பங்குனி 29 – 1892ம் நாள் பெருமையுற்றதிவர் பிறப்பால்.

*

‘ பிரபோதசைத்தன்யா’ எனும் நாமம் துறவறப் 
பயிற்சியில் சென்னை இராமகிஷ்ண மடத்தால்
பிரம்மச்சரியத்திற்காகப் பெற்றார். அதே சித்திராப்
பௌர்ணமியில் 1924ல் சுவாமி விபுலானந்தரானார்.

*

பெருமைக்குரியவர் யாழ்ப்பாணத்தில் காந்தியை வரவேற்றார்.
பண்டித பரீட்சைகளை ஆரம்பித்து வைத்தார்.
பல்கலைக்கழகம் சென்னை தமிழ் ஆராய்ச்சித்துறை
பாடத் திட்டத்தினைத் தயாரித்த பெருமையாளர்.

*

ஞானோபதேசம் பெற்ற குரு நினைவாக
மட்டக்களப்பு சிவானந்த வித்தியாலயம் தொடங்கினார்.
இச் சமூகத் துறவித் தொண்டாளர் 
இந்தியாவில் யாழ்நூல் 1947ல் அரங்கேற்றினார்.

*

அதனிரு கிழமையால் தமிழ் கூறு 
நல்லுலகப் பணியாளர் இறைவனடி சேர்ந்தார். 
இலங்கைத் தேசியவீரர்கள் வரிசையிலிவர் உள்ளார்.
இலங்கைத் தமிழ்மொழிதினம் இவரது மறைவு நாள்.

*

வேதா. இலங்காதிலகம்ஓகுஸ்,டென்மார்க்.  march 2017

*

 

anchali

2. பிரபலங்கள், பாரில் அவதரித்த பரிசுத்த குமாரன்.

 

 

merry-christmas

*

பாரில் அவதரித்த பரிசுத்த குமாரன்.

*
(ஏலவே – ஏற்கெனவே)
ஈராயிரம் வருடங்களின் முன்னர் இரட்சகர்
ஈடற்ற கருணையாளன் பெத்தலகேமில் பிறந்தார்.
ஈனர்களால் அறியவியலாத பிறப்பைச் சோதிடர்
ஈடுபாட்டுடன் அறிந்தார். விண்மீன் வழிகாட்டலில்.
ஈகையாளனைக் காண ஆவலாய் நடந்தனர்.
*
ஏரோதின் அரண்மனை பெரும் சலசலப்பானது.
ஏவலிட்டானரசன் இருவயதிற்குள்ளான ஆண்பிள்ளைகளையழிக்க ஏலவேயறிந்த எச்சரிக்கையால் ‘ திருக்குடும்பம்’ எகிப்திற்கேகியது.
ஏரோது மரிக்க மறுபடி யூதநாடு வந்தனர்.
ஏசுநாதர் போதனை இரட்சிப்புடன் நாட்களோடியது.
*
கருணைமகனையழிக்க யூதர்கள் திடமுடன் துன்புறுத்தினர். கடைசியிராப்போசனத்தில் ‘ நம்முளொருவனெனைக் காட்டிக்கொடுப்பா’னென்றார். கருணையற்ற செயல்கள் நிகழுமென முன்னரேமொழிகிறார்.
காட்டிக்கொடுக்கிறான் யூதாசு யேசுவை முத்தமிட்டு.
கர்த்தர் கொடுமைக்காரர்களால் சிலுவையில் அறையப்படுகிறார்.
*
கறையற்ற நல்வாழ்விற்குச் சொல் செயலால்
நிறையுதாரணமாக வாழ்ந்து காட்டிய மீட்பர்
இறைமகன் பலருக்கு மறுகாட்சி கொடுத்தார்.
இடிபாடுகளகற்ற மாட்டுத்தொழுவத்தில் கன்னிமேரியிடமவதரித்த
இறைதூதர் யேசுவின் பிறப்பே நத்தாராகிறது.
*
வேதா. இலங்காதிலகம். டென்மார்க். 21-12-2017
*
santasit-l

1. டி. கே. பட்டம்மாள்.

 

collage- padda

*

டி. கே. பட்டம்மாள்.

*

பாட்டிற்கொரு பெண் இசை ராணி
ஊட்டமிகு கர்நாடக இசைக் குயில்.
பாட்டுத் திறத்தாலன்று எம்.எல்.வசந்தகுமாரி
பட்டம்மாள், எம்.எஸ் சுப்புலட்சுமி
கூட்டாக பெண் மும்மூர்த்திப் பிரபலங்கள்.

*

தந்தை தாமல் கிருஷ்ணசுவாமி பக்திப்பாடகர்.
தாயார் காந்திமதி (ராஐம்மாள்) பாடகி.
பட்டம்மாளுடன் மூன்று சகோதரர்களும் பாடகர்கள்.
பகிரங்கத்தில் பெண்கள் பாடாத மரபுக்குடும்பம்.
பாட்டுத்திறன் வெட்டியது மரபு வேலியை.

*

பட்டுக் காஞ்சிபுரக்காரி டி.கே. பட்டம்மாள்.
இட்ட பெயர் அலுமேலு. செல்லமாய்
ஒட்டியது ‘ பட்டா ‘ ஈரிணைவாலானது பட்டம்மாள்.
சுட்டிப் பெண்ணாய் நான்கு வயதில் பாடினார்.
பாட்டரசி பிறப்பு 1919 பங்குனி 28.

*

முறையாக இசை பயிலாதவர். கச்சேரிகளில்
தவறாது இசைகேட்டுத் திறன் வளர்த்தார்.
தெலுங்கு இசையாசிரியர் சிலகாலம் பயிற்றுவித்தார்.
10 வயதில் வானொலியில் பாடிய பிரபலம்.
13 வயதில் எழும்பூரில் முதல் கச்சேரியரங்கேற்றம்.

*

இராகம் தானம் பல்லவியை சாதுரியமாய்
இசைக்கச்சேரியில் கையாண்ட பெண் இசைப்புலியிவர்.
இதனால் ‘ பல்லவி பட்டம்மாள் ‘ பெயர் பெற்றார்.
இசையரங்கில் பெண்பாட முடியாத மரபையுடைக்க
தலைமையாசிரியர் அம்முக்குட்டிஅம்மாள் தெலுங்காசிரியர் உதவினர்.

*

அனைத்து மாநிலங்களில் முன்னணி சபாக்களில்
தேசியகருத்து பக்திப் பாடல்களையே பாடினார்.
கொலம்பிய இசைத்தட்டில் பாடவும் ஊக்கியவர்
அம்முக்குட்டி அம்மாளே. பாபநாசம் சிவன்
தொடர்பால் சினிமாவில் பாடினார்.

*

எண்ணற்ற விருதுகள் பெற்றார். பல
வெளி நாடுகள் சென்று பாடினார்.
தனக்கெனத் தனிப்பாணி அமைத்துப் பாடியவர்.
இவர் ஒரு இசை சகாப்தம் 90வது வயதில்
2009 – ஆடி 16லிவர் பூதவுடல் மறைந்தது.

*

வேதா. இலங்காதிலகம்.
டென்மார்க்.
16-7-2016.

*