44. பா மாலிகை ( கதம்பம்) ஞானப் பேழை

 

 

treasure-box-

*

 ஞானப் பேழை

*

ஆதி நூல்கள் தேன்கூடுகள் ஆராய்ந்திடச்
சேதி கூறுமறிவுக் களஞ்சியங்கள் ஞானப்பேழைகள்.
சாதித்த அறிஞர்கள் ஞானத் தேனீக்கள்.
ஓதிடவீந்த அறிவுக் காப்பியங்கள் பொக்கிசங்கள்.

*

ஞானம் என்றால் கல்வி, தத்துவநூல்,
அறிவு, பூமி நல்ல தேடலாம்.
அறிவுக் கடலில் விளைந்த முத்துகள்
அறிவு வளமீயும் ஞானப் பேழைகள்.

*

அளவிறந்தவை கொட்டிக் கிடக்குமாதிகாலப் பெட்டகங்கள்.
அகநானூறு, புறநானூறு, பைபிள், குர்ஆன்,
அருத்தமுள்ள இந்துமதம், திருக்குறள் பகவத்கீதையென
மெய்ஞ்ஞானப் புதையற் பெட்டகங்களேராளம் தாராளம்

*

பொய்யாமொழி, வானுறை வாழ்த்து, உலகப் பொதுமறை,
முப்பால், உத்தரவேதம் தெய்வநூல், கன்மேலெழுத்து,
நன்னூல், திருக்குறளெனும் ஞானப்பேழையைப் பார்த்தால்….
பன்முகக் கூறுடைய ஊன்றுகோல் திருவள்ளுவம்.

*

பெருநாவலர், பொய்யில் புலவரெனப் பெயர்களுடையவர்
செந்நாப்பேதாரென்ற திருவள்ளுவரீந்த இன் கவி.
தமிழ்மறை ஈரடியிலுலகத் தத்துவம் கூறுவது.
குறளியின வள்ளுவரெழுதியது குறளி, குறளாகமருவியது.

*

அன்றாட நெறிகள் ஆன்மீக அறமுடையது.
தன்னிகரற்ற வாழ்வியல் நன்மார்க்க நீதியுடையது.
நன்கொடையிது இன்பித்துப் படியென மன்னுயிர்க்கீந்தார்.
அன்று மதுரையிலிது அரங்கேற ஒளவையாருதவினார்.

*

தன்னீர்மை பெருக்கிடும் என்றறிந்து நாட்களைக்
கொன்றிடாது திருக்குறள் படித்தால் சான்றோனாகலாம்.
பண்புகளினடிப்படை விளங்கினால் நலமுடன் வாழலாம்.
ஈரடிகளில் அறம் பொருளின்பமொழியும் குறள்வெண்பா.

*

1330 குறள்கள், எண்பது மொழிகளில்
மொழிபெயர்க்கப் பட்டது. வள்ளுவருக்குப் புலவர்கள்
அங்கீகாரம் வழங்கவில்லையதை மீறி வள்ளுவர்
சங்கப்பலகையிலிட அது திருக்குறளை ஏற்றதாம்.

*

இன்று கணனியுமொரு ஞானப் பேழையாய்
விரல் நுனியில் உலக விசேடங்கள் தருகிறது.
திறமையெனும் ஞானச்சாவி கொண்டு அற்புதமாம்
பல பேழைகள் திறந்து திறமை பெருக்கலாம்.

*
வேதா. இலங்காதிலகம். டென்மார்க். 1-5-2017
*
devi-blue

 

Advertisements

41. பா மாலிகை ( கதம்பம்) (பற்றிக் கொண்டு படர்தல்..)

 

creeper

*

பற்றிக் கொண்டு படர்தல்..

*

நிச்சயமாக அத்தனையும் பற்றிக்கொண்டு படர்தலே.
பொன்மொழிகளான நல் வார்த்தைகளை
பண்புடைய நல்ல செயல்களை நாம்
பற்றிப் படர்ந்தே நல் மனிதரானோம்.
காற்று எப்படியெங்கும் புகுந்திடுதோ
ஒற்றும் நல்லவைகளும் பரவி ஒளிர்கிறது.

*

உயிர்க்க நினைக்கும் கொடிகளான பச்சைகள்
கொழு கொம்பைப் பற்றுதலாக நல்லவற்றை
வழுகினாலும் இறுகப் பற்றி எழு!
ஒற்றை விரல் பற்றி ஆரம்பிக்கும்
மழலை எம்மைச் சுற்றியே படர்கிறது.
பெற்றவர் நற் பண்புகள் தொற்றிப் படர்கிறது.

*

பெற்றவர் பொறுப்பு அத்தனை விலைமதிப்பற்றது.
கற்றுக் கொண்டு வளர்தலும் கருணை
காட்டிக் கொண்டு வாழ்தலும் பெருமை.
புற்றாக கெட்டவை வளர்த்து வாழ்வில்
கருநாகவிடமாக அவற்றை உமிழ்தல் கேடு.
ஆகவே நல்லதைப் பற்றிக்கொண்டு படர்!

*

வேதா.இலங்காதிலகம் டென்மார்க்..12-7-2017

*

lines-flowers-and-nature-475142

 

46. சான்றிதழ்கள் – கவிதைகள் (இனி ஒரு பிறவி வேண்டாம்)

 

puthumai-8-2016

இனி ஒரு பிறவி வேண்டாம்

*

யார் சொல்வது இப்படி!
பேர் சொல்ல வாழ்ந்திட முனை!
தீர் உனது பிரச்சனைகளை! கூறாதே
இனி ஒரு பிறவி வேண்டாமென்று
*

செதுக்கு உன்னை! மணல் தேசத்தை
புதுக்கி சொர்க்கம் ஆக்கியவனும் மனிதனே!
புது ஒளி மனதில் விரிய
புதையினி ஒரு பிறவி வேண்டாமென்பதை.

*

மகா பிறப்பு மானுடம்! உயிர்ப்புடன்
மகா வீரனாய் மகானாய் வாழ்ந்திடு!
மகா நதியாய் உருண்டு புரண்டுயர்!
மகாசக்தி கொண்டு அற்புதம் செய்!

*

வாழ்வை எதிர் நோக்கிச் சிரி.!
தாழ்வினைக் கடப்பேனென்று உறுதிசெய்!
சாவற்ற துடிப்புடை மனதைச் சாகவிடாதே!
சந்திரன், சூரியன், பூமி களைப்பதில்லையே!

*

இனி ஒரு பிறவி வேண்டாமென்று
இனியும் சொல்லாது உழைப்பு மழையில்
இனிதாய் நனை! புதிதாய் நம்பிக்கையூன்று!
இனி யாருளரென்று சாதித்து வென்றிடு!

*

மூளையைத் தூசு தட்டி அகத்தீயை
மூட்டு! சுடரிட்டு பிரகாசிக்கத் தூண்டு!
முன்னறி தெய்வமாம் அன்னையை நேசி!
உன்னைப் படைத்தவனை நேசி உலகினிக்கும்.

*

இனி ஒரு பிறவி வேண்டாம்
அனிச்சையாயும் கூறாதே! பயமழி!
தனித்திருந்து களைக்காது பந்தம் நாடு!
அனிதமான நாட்டங்கள் உலகில் அதிகம்!

*
வேதா. இலங்காதிலகம். ஓகுஸ் டென்மார்க்.  12-8-2016
*
vector_146.cdr

 

24. (25.26.27) சான்றிதழ்கள் – கவிதைகள் (38. ஊமை கண்ட கனவு.)

 

puthu-6-16

*

ஊமை கண்ட கனவு.

*
 திண்மை இதயத்துக் கனவுக்குள்
உண்மை மறைகிறது ஊமைக்குள்.
எண்ணவலை பின்னியும் நீருக்குள்
சின்னக் கூழாங்கல்லாகக் கனவு.
*
விரித்துக் கூற இயலாதது
விழலுக்கு இறைத்த நீரது
விரிவு அற்ற தவிப்பது
விடிவற்றது ஊமையின் கனவது.
*
ஊக்கப்பாடற்ற பலர் ஆசைகள்
ஊழ்வினை எனும் பெயரில்
ஆக்கப்பாடின்றி ஊர் அறியாமல்
ஊமை கண்ட கனவாகிறது.
*
பணமில்லா ஏழையின் கல்வியும்
தனமில்லாப் பெண்ணின் திருமணமும்
குணமில்லாக் குடிகாரன் இல்லறமும்
மணமற்ற ஊமைக் கனவாம்.
*
இசைவான பொருளாதாரம் இன்றி
அசைபோட்ட என்னாசையும் குன்றி
இசையரசி ஆகுமென் கனவு
ஊமை கண்டதான கனவு.
*
துழையற்ற ஊசியாய் ஒரு
முளையற்ற நிலமாய் ஒரு
குழையற்ற மரங்களாய் அரும்
குறையாகிறது ஊமைக் கனவும்.
*
சொல் நிலவு வட்டமற்று
கல்லான ஊமைக் கனவொன்று
வெல்ல இயலாத வாழ்வினியக்கம்
வல்லமை தராத கனவாகும்.
*
வேதா. இலங்காதிலகம். ஓகுஸ் – டென்மார்க்  12-6-2016
*

25. சான்றிதழ்கள் – கவிதை 

(39.எங்கள் வீட்டுப் பிள்ளை முரட்டுக் காளை)

                                                       *                                                                                                                                                 

kampan kavikuudaM-25-1-17
*
இந்த சான்றிதழ் கவிதையை கீழ் வரும் இணைப்பில் பாருங்கள்.
*

26.   சான்றிதழ்கள் கவிதை(40.  உவகை )

*
இந்த சான்றிதழ் கவிதையை கீழ் வரும் இணைப்பில் பாருங்கள்.
*

27.  சான்றிதழ்கள்  கவிதை

(41. கல்லையும் சொல்லையும் )

இந்த சான்றிதழ் கவிதையை கீழ் வரும் இணைப்பில் பாருங்கள்.

https://kovaikkavi.wordpress.com/2017/01/29/473-%E0%AE%95%E0%AE%B2%E0%AF%8D%E0%AE%B2%E0%AF%88%E0%AE%AF%E0%AF%81%E0%AE%AE%E0%AF%8D-%E0%AE%9A%E0%AF%8A%E0%AE%B2%E0%AF%8D%E0%AE%B2%E0%AF%88%E0%AE%AF%E0%AF%81%E0%AE%AE%E0%AF%8D-%E0%AE%B5%E0%AE%BF/

*

 

 end_bar

13. சான்றிதழ்கள் – கவிதைகள் ( பாடு பட்டேன் வயல் காட்டினிலே)

1-1-2018 எனது முதலாவது பதிவு.
அனைவருக்கும் இனிய 2018 மலரட்டும்.

*

happy new

*

 

muthamilkalam -1-1-17

*

பாடு பட்டேன் வயல் காட்டினிலே
காடு வெட்டினேன்
ஈடு வைத்தேன் சொத்துக்களை
ஊடுமோ மழை!
ஓடுகால் காயுமோ!…
காடுபடாது விளைந்திடட்டும்
கேடுபாடு (வறுமை) அழிய இயற்கை
கோடுதலின்றி உதவட்டும்.

*

கூடுமுயிர் குளிர நடந்திட
கேடு தராதேயிறைவா!
ஓடுமென் கால்கள் நிறைவில்
ஓயுமா வலிமையாகுமா!….
தேடுதல் விவசாயத்தில் நலமானால்
நாடுபடுதிரவியம் நிறையும் எம்
நாடு முன்னேறும்!…
வீடும் சிறந்து சுகமாகும்
நீடு வாழலாம் அனைவரும்!…

*

நேடுதல் (எண்ணுதல்) மனதின் இயற்கை
பாடு கேடானால் நிலைக்கும்
சுடுகாடு எமக்காகும்.
பீடு (பெருமை) பெற, பேடு (சிறுமை) தவிர்க்க
போடும் கடும் எத்தனிப்பு
மூடும் கருமையை. கூடும் ஒளி.
மேடு இடும் அதிட்டம்
ஆடும் மனம்! 
வீடுபேறு நிறைந்திட உழவன் துன்பம் 
பதராகிப் போகிறதே காற்றினிலே.

*

வேதா. இலங்காதிலகம். 28-12-2016

*

 

pink

7. குறுகிய வரிகள் (112)

 

arimukam

*

அறிமுகம் ஆனோம்.

*

அறிமுகம் ஆனோம். அச்சம் விலகியதும்
அறிவை வளர்த்தோம் சேவைகளோடு கையிணைத்தோம்.
அறியாமை போக்க கல்வியகம் அமைத்தோம்.
அறிவரங்கம் அமைத்து அறிவொளி பரப்புகின்றோம்.

*

வேதா. இலங்காதிலகம். டென்மார்க். 20-12-2017.- 20-12-2017

*

kaaval

காவல்

*

பாலுக்குக் காவல் பூனை
மீனுக்குக் காவல் நாயா!
எப்படி ஆவல் அடக்கும்!
தப்படியாகாதோ இது!
உண்மைக் காவலன் இவனோ!
பிரதியுபகாரமோ! நன்றியணர்வோ!
9-12-2017

*

13557740_1090518607695659_7759270420775917436_n

*

முயற்சி — 8-10-2017

*

உயிரின் ஓயாத பயிற்சி
எயிறிலி! (சூரியன்) உயர்விற்கு முயற்சி!
அயர்வற்ற ஊக்கத்தின் சுழற்சி.
உயற்சியின் சோராத மலர்ச்சி!
மயூரகதியான (குதிரை நடை) சுறுசுறுப்பு
வாழ்வின் வளர்ச்சி!.

*

 

divider

 

7. பாமாலிகை (இயற்கை.) மல்லிகை 85.

 

original_flower_mali

*

மல்லிகை

*

சுயநலமற்ற மல்லிகை
வியக்கும் சுகந்தம்.
இயல்பு மணம்
மயக்கும் மன்னனை
¤
உயர்ந்த கொண்டையிலே
இயலணி (இயற்கை அழகு) தரும்
பயனுடை மல்லிகை
நயனம் பெண்ணழகிற்கு.
¤
தயக்கமின்றி கூந்தலில்லிட
தூய உணர்வு
இயக்கும் மன்னனை
ஐயமின்றி நெருங்குவான்.
¤
கயவனும் மல்லிகையில்
வயகரவாய் மயங்குவான்
குயவனும் குறத்தியை
மயக்கிட கொடுப்பான்.
¤
தூயது மென்மையானது.
நியமமாய் மல்லிகையும்
கையளிக்கும் அல்வாவும்
தியக்கமான (மயக்கம்) மன்மதனம்பு.
¤
நயத்தகு பிலிப்பைன்சின்
யெயமுடைய தேசியப்பூ.
பயனாகும் மருத்துவத்திற்கு.
வியப்பு இருநூறினமுண்டாம்.

*

வேதா. இலங்காதிலகம். டென்மார்க். 10-8-2016

*

மல்லிகை பற்றிய எனது இன்னொரு இணைப்பு இதோ!…….

https://kovaikkavi.wordpress.com/category/%E0%AE%AA%E0%AE%BE%E0%AE%AE%E0%AE%BE%E0%AE%B2%E0%AE%BF%E0%AE%95%E0%AF%88-%E0%AE%87%E0%AE%AF%E0%AE%B1%E0%AF%8D%E0%AE%95%E0%AF%88/page/7/  

*

 

maxresdefault (3)k

 

 

13. சான்றிதழ்கள் – கவிதைகள் ( மோகனப் புன்னகை வீசிடும் நிலவே)

 

amirth-kaathal-15-2-17

*

19th February 
நடுவர் அனுராஜ் அவர்கள் தேர்வுசெய்து
சிறந்த கவிதைக்கான
சான்றிதழ் பெறுகிறார்
கவிஞர் வேதா. இலங்காதிலகம்
அவருக்கு கவிஞர் ஜெயசுதா, நடுவர் அனுராஜ் ஆகியோருடன்
அமிர்தம் குழுமமும் வாழ்த்துக்களைதெரிவித்துக்கொள்கிறது
*


 மோகனப் புன்னகை வீசிடும் நிலவே

*

ஊகனம் (ஊகம்) பின்னும் உலக வாழ்விலே
கூகனம் (மாய்மாலம்) பண்ணும் உறவின் நீள்விலே
மோகம் ஊட்டும் மன்மத மாலையில்
மோகனப் புன்னகை வீசிடும் நிலவே.
மோகனம் பாடுமென் காதல் வீணையே!
கரும்பு வில்லோ மன்மத பாணமோவுன்
புருவம் எனையிழுத்துக் காதல் மொழிகிறதே
கருவண்டோ, மீன்விழிகளோ காந்தமடி காந்தம்

*

ஓளித் திரைக் கன்னத்திலுன் எழில்
களியுமிழும் சிறு மூக்கு சிமிழே!
அளி மொய்க்கா தேனுதடு சுந்தரமே!
கிளியாயுன் தோளில் அமர்ந்திட வரவா!
அருமை இதழ்கள் சிந்திடும் மதுவால்
ஒருவித மயக்கம் கட்டழகு மொட்டே!
சுருண்ட கருங் குழலும் ஈர்க்குதே
வருமோ உன்னோடு இணையும் நாள்!

*

காயாமல் காயும் காதல் அனலை
ஓயாமல் உன் விழியால் ஊதுகிறாய்
சாயாமலுன் மேல் தீராதே வெப்பம்
மாயா விநோதினி என் மருக்கொழுந்தே!
மல்லிகையும் பெரு மயக்கம் தெளிக்குதே
அல்லியே என் அமுதசுரபியே சொல்
இல்லம் வருவாயா பொக்கிசமே இன்பமாய்
இல்லறத் துணைவியாய் இணைவோம் மகிழ்ந்து.

*

வேதா. இலங்காதிலகம் டென்மார்க்.15-2-2017

*

1457745k8p286od3g