அகதி வாழ்வு
அகதி வாழ்வின் அல்லல் தெரியாது
சகதிப் பிரிவு, உறவுத் தவிப்பறியாது
மிகவான உயரிணைந்த மண்ணைப் பிரிந்து
சுகமற்ற காலத்தில் புலம்பெயர்ந்திங்கு
திகதியற்று ஊர் திரும்ப முடியாதிங்கு
தொகுதியின்று தனித தீவுகளாய் நாமிங்கு.
கலாச்சார இடிபாட்டிலெம் கவனம் நெரிபட
காலடிதடுமாறி அன்னியமொழியால் விழி பிதுங்க
குலாதார வாரிசுகள் அடிப்படை ஆதரவிழக்க
காலாதி காலமான பண்பாட்டுப் பாதை மாற
மூலாதார வாழ்வின்சீலம் நிலைமாற
கோலாகல வாழ்விங்கு நற்கோலம் மாறுது.
தலைமுறைகள் தம் வாழ்க்கைத் துணையை
தலைமாறி அன்னிய சூழலில் தெரிதல்
தலையெடுக்கும் புலம்பெயர் பிரச்சனை
தலையிறக்கமிது எம்மின அழிவு நிலை.
தலைவாழையிட்டுத் தலையிடும் நிலையுமில்லை.
தலைவிதியிது பும்பெயர்ந்த நிலையிங்கு.
சுள்ளெனக் குததும் ஊசிக்குளிரில் தினம்
உள்ளம் வேதனையுடன் உடல் பலமிழக்கும்.
வெளிநாட்டில் நாம் பணம் காய்க்கும் மரமாம்
உள்நாட்டில் பணம் பிடுங்கம் தரம்
கொள்ளையிலேயிது கடற்கொள்ளைத் தரம்
வள்ளத்தில் வரும் போது துடுப்புடையும் தரம்
28-11-2005
(துவக்கு.கொம் கவிதைப் போட்டிக்கு எழுதியது.
21-3-2006 ரிஆர்ரி தமிழ் அலயில் வாசித்தது.
வேதாவின் வலை.2 