161 சான்றிதழ்கள் – கவிதைகள்157

கவிதைச்சரணாலயம்
00

பூத்திடும் புத்தாண்டில்…..
00
எதிர் நீச்சல் வாழ்வில் ஒரு
புதிர் நீச்சலுமாகும் ஒளி மிகு
கதிர் நீச்சலாகவும் பிரகாசித்து வெளிக்கும்.
வெற்றிக்காய்ப் போடும் எதிர் நீச்சல்
வெள்ளி நிலவாய்ப் பூக்கட்டும் புத்தாண்டில்.
00
இங்கு வாழ்விற்காய் நீந்துகிறோம் நாம்
அங்கு இலங்கையில் மொழிக்காகவும் நீச்சல்
தங்கி வாழ இடத்திற்காகவும் நீச்சல்
பொங்கி உண்ணும் உணவிற்காகவும் நீச்சல்
மங்காது பூத்திடும் புத்தாண்டில் வெற்றியுகம்.
00
எண்ணம் பண்பட மனிதம் செழிக்கும்
வண்ணமுடை வாழ்வு வளமாய் மிளிரும்
பெண்ணியம் மதிக்கப்பட கண்ணியம் மேவும்
பண்பாடு உயர புண்ணான வாழ்வழியும்.
மண்ணிலே மதிப்புறு புத்தாண்டு பூக்கட:;டும்
00
வேதா. இலங்காதிலகம்.- தென்மார்க் – 30-12-2022

13.சிறு கட்டுரைகள், குறிப்புகள்

இந்தக் கட்டுரையை வாசித்துப் பாருங்கள். நல்ல கட்டுரை. 17-12-1992ம் ஆண்டு பிரசுரமானது
தென்மார்க் சஞ்சீவி இதழில்.

161.சான்றிதழ்கள் – கவிதைகள் 156.காதல் கனவே கலையாதே —காதலர்தினக் கவிதை

காதல் கனவே கலையாதே —காதலர்தினக் கவிதை

கூதல் தனிமையில் நடுங்காது
சாதல் நினைவை அணைக்காது
நோதல் நிலைக்குத் தள்ளாது
காதல் நினைவே கலையாதே!
00
செப்புச் சிலையே செங்கரும்பே!
ஒப்புவமை இல்லா ஒய்யாரமே!
பிரம்மன் படைப்பில் பிரமையடி
வரமுடை வரமே நீயெனக்கு!
00
ஆண் மனதை ஆட்டிடும்
ஆயிழையே உன்னை ஆராதிப்பேன்!
கள்ளூறும் மலராக மயங்குகிறேன்
உள்ளூற மகிழ்கிறேன் வா!
00
ஆதாம் ஏவாள் அனார்கலி
ஆராதித்த அற்புதக்காதல்
ஆடிப்பெருக்காய்ப் பரிமாறலாம் வா!
கூடிக் குலாவிக் குதூகலிக்கலாம்!
00
உறவை உயிராக எண்ணி
உலக வனத்தில் உலாவிட
பறவைகளாய்ப் பரந்து சிறகடிக்க
சிறப்பாய்க் கூடிக் கலப்போம்.
00
வேதா -இலங்காதிலகம் – தென்மார்க் – 13-2-2024

94.பாமாலிகை (இயற்கை)134

பிழைக்கும் கவித்துவம்…

நந்தவனப் பூ மெத்தையில் சிறு நதி ஓரத்தில்
சொந்தம் யாருமின்றி இயற்கையை மிக விரும்பி ரசித்தல்

வண்டுகள் ரீங்காரித்துப் பறக்க வண்ணத்துப் பூச்சிகளும் சிறகசைக்க
கண்டிட முடியாத் தென்றலை உணர்ந்து குளிர்மையை ரசிக்க

எவரமைத்தார் இந்த நந்தவனத்தை! அருகினில் ஒரு இதம்
கவருகின்ற தென்னை மரச்சோலையும் பறவைகள் ஒலியும் பரவசம்!

பொல்லாக் காற்று இல்லாததால் தென்றலும் மெல்லிசைக் கடை
தொல்லையில்லா ரசனை! கவிதை பொங்கிட ஏது தடை!

தலையசைத்த மலர்கள் வாசனையை இதயத்துள் மெதுவாகத் தூவின
தலை ஆட்டும் தென்னோலைகள் சில தேங்காய்கள் தந்தன.

தனிமை இல்லையே! எங்கோ போனது! வண்டுகள் ஓசையும்
இனிமை சேர்க்கச் சோலை நிழல் காட்டியது கோலம்

குழலோசை ஒன்று குயிலோசையாய் தவழ மயக்கம் வந்தது.

உழவுமழையாய் உள்ளத்தில் பொழிந்து அரங்கத்தில் அமருமுணர்வு கூட்டியது

ஆகா! அற்புதம்! என்னே இயற்கை! எழுதலாம் எழுதலாம்
சாகா வரிகள்! பிழைக்கும் கவிஞன் திறமை என்றும்!

பா ஆக்கம்
பா வானதி வேதா. இலங்காதிலகம்.
டென்மார்க 17-8-2015

16.கவிதையுடன் பாரதிதாசன் சான்றிதழ்கள்.(கண்ணின் மணியே)

june 15 2018

கவியுலகப் பூஞ்சோலை பாரதிதாசன் சான்றிதழ்கள்-16

கவியுலகப் பூஞ்சோலை- பாரதிதாசன் சான்றிதழ்கள்- 15-6-2018

கண்ணின் மணியே

கண்ணின் மணியே! கற்கண்டே! கனிரசமே!
மண்ணின் சொர்க்கமே! மழலை அமுதே!
எண்ணிடும் போதிலும் எழிலான நிலவே!
அண்ணித்தல் உன்னை அருமை விருந்தே!
00
துன்பத்தில் உன்னைத் தொடுதலும் இன்பமே!
துன்மார்க்கம் கூட தூர ஒதுங்குமே!
துன்மதியோனும் உன் னருகில் புனிதனாவான்.
துயிலும் அழகிலும் துடைத்துவிட்ட சிற்பமடி.
00
அன்னைக்கு நீயொரு அன்பு அன்னையடி!
சின்னக் கொலுசொலிப் பிஞ்சுப் பாதம்
சொன்ன பேச்சுக் கேட்காது துள்ளுமடி!
உன்னைக் கொஞ்சினால் உலகே மறக்குதடி!
00
செல்லம் கொஞ்சும் மழலை மொழி
வெல்லமடி எல்லோருக்கும்! பஞ்சு விரல்கள்
மெல்லத் தடவஇ சொகுசாகும் கண்கள்
சொல்லும் கதைகள் சொக்க வைக்கும்.
00
எங்களை இணைக்கும் இன்ப பந்தமே!
அங்கயற்கண்ணியே! அம்மன் சிலை நீயடியே!
செங்கம்பளம் விரித்தாய் எம் வாழ்விலே
மங்காத ஆரோக்கியமாய் வளமாக வாழ்வாய்.
00
வேதா.இலங்காதிலகம் தென்மார்க் 4-6-2018

14. சோழா

மயக்கும் மாதவன்கள்

(ஆரணன்-பிரமன் – சிவன் – திருமால்_)

பேரர்கள் பின்னும் வாழ்வு
ஆரணம் (வேதம்) ஓதும் வாழ்வு.
ஆரணியமற்ற ஆரத்தி வாழ்வு.
ஆரணனான குமிண் சிரிப்பால்
00
கன்னக் கதுப்பு மின்ன
கருத்துக் கவரும் சின்னக்
கண்ணன்கள் எங்கள் தங்கங்கள்.
என்ன பொருளும் இணையாகுமோ!
00
இதழ்கள் சொல்கின்ற கவிதை
இதயம் கவரும் பாவிதை
இதுதானே மயக்கும் இன்பம்
இணைவதும் அறிவின் இனிமை.

வேதா. இலங்காதிலகம்..டென்மார்க் 19-2-2022