*
விடியல்களை நோக்கி
*
பெரு நம்பிக்கையில் காலூன்றும் எத்தனம்
ஒரு விடியலுக்காய் வெளிக்கும் கீழ்வானம்.
சுருளலை உருள்வின் பிரம்மப் பிரயத்தனம்
ஒரு விடியல் முயற்சியின் பூரண இலக்கணம்.
*
உருவாகும் ஒரு விடியலின் தேடல்
கருவாகும் கனவு விதையினால் கூடும்.
ஆனந்த விடியலைத் தேடிடும் எதிர்பார்ப்பு
ஆழ்ந்த துயிலினால் கூடும் அமைதிப்பூ
*
ஆகாய மழைத் துளிக்கு ஏங்கும் தவிப்பு
ஆட்படும் விளைநிலத்து விடியலின் காத்திருப்பு.
ஓட்டினைச் சன்னமாய் உடைக்கும் தவிப்பு
முட்டையுள் குஞ்சு விடியலிற்கு உயிர்ப்பு.
*
வான்கடலில் சந்திரனிற்கு விடியல் தேவையில்லை.
அவன் மந்திர விடியலே கருக்கிருட்டு வேளை.
விண்ணிலே நட்சத்திரங்கள் விடியலைத் தேடி
கண் சிமிட்டி ஓடாது வான் தடாகத்தில்
*
இன்னும் மேலும் ஓயாது தேடு
நன்னெறி காத்து நாளும் ஓடு
உன்னைச் சுற்றியொரு ஒளி வட்டமியற்கையில்
பின்னுமுன் முயற்சியே பெருமாக்கம் விடியலுக்கு.
*
வேதா. இலங்காதிலகம். டென்மார்க். 16-2-2017
கவிச்சிகரம் அமுதன் தமிழ்நாடு :- வான்கடலில் சந்திரனிற்கு விடியல் தேவையில்லை.
அவன் மந்திர விடியலே கருக்கிருட்டு வேளை.
விண்ணிலே நட்சத்திரங்கள் விடியலைத் தேடி…See more
2017
Photo comment – ATUMAI….
Vetha Langathilakam:- A Muthu Vijayan Kalpakkam மகிழ்ச்சி….இதுவே சான்றிதழ்….
மிக்க நன்றி சகோதரா…
LikeLike
Rajagopal Kavinenjan :- வாழ்த்துக்கள்
2017
Abdul Hameed:- வாழ்த்துக்கள்
2017
ஜெய ஜெயார் :- வாழ்த்துக்கள்
2017
LikeLike